Trinitate Plaza - Proiektuaren bukaera.

Donostin, Trinitate Plazaren inguruan bizi diren biztanleei, plazari zer falta zaion galdetzean, beraien ustez itzala eta bizia falta zaiola esan zidaten. Hori dela eta, plazari ''bizi'' gehiago emateko, hobeena lorategi bat egitea zela iruditu zitzaidan, eta itzal hori lortzeko, lorategi hori altueran egin behar nuen.

-Lorategia mugatuko zuen lur eremuaren tamaina eta neurketak jakiteko, Trinitate Plazaren altxaerak eta ebaketak:

-Proiektuaren Situazio planoa, ebaketak, altxaerak, bista axonometrikoa, kanpo-barne espazioaren arteko erlazioaren irudiak eta maketaren irudiak:

Javier Echepare - Kaiolak, Aterkiak eta Burbuilak

Javier Echeparek esan zigunez, berak, arkitektura hiru zatitan banatzen du: Kaiolak, Aterkiak eta Burbuilak.

Kaiolak, kanpo espazioaren eta barne espazioaren arteko erlazioari garrantzia ematen dieten eta egiturari garrantzia ematen dieten eraikinak dira.

Aterkien funtzioa euriaz babestea da, eta, hori dela eta, estalki funtzioa betetzen dute eraikinetan.

Burbuilak alde batean usten dute kanpo espazioaren eta barne espazioaren arteko erlazioa.

Trinitate plaza (Hitzaldia eta lekuaren aukeraketa)

Trinitate Plazaren inguruan eman ziguten hitzaldiak, Plaza honen garrantzia eta bere berezitasunak baloratzen lagundu zidan. Jada ez dut Trinitate plaza ikuspuntu beretik ikusten. Ez da plaza soil bat. Trinitate Plaza denboran zear eraikia izan da. Bertan gordetzen dira orain dela 500 urtetik, gaur eguneraino emandako aldaketak.

Gure azken ariketan, Trinitate Plazaren atal bat aukeratu eta bertan, denbora tarte labur batean iraungo duen eraikuntza bat diseinatu beharko dugu. Horretarako, plazatik gertu bizi diren Donostiako biztanleei galdera batzuk egin beharko dizkiegu, beraiek duten plazaren inguruko iritzia jakiteko.

Nik aukeratutako eremua:

Irakasleentzat habitata - Proiektuaren bukaera

Habitataren beheko solairuank, hainbat erabilera desberdin izan ditzake, hala nola, irakasleek beraien lanak aurkezteko erabili daiteke, aterpe bezela...

-Aurreko fatxada guztia (unibertsitatera ematen duena), beirazkoa izango da. Atzeko fatxada (karreterara ematen duena) ,berriz, zertxobait itxiagoa izango da, bi eremu horien arteko desberdintasuna indartzeko.
-Eraikin honetako ate guztiak beirazkoak dira.
-Lehen solairura ematen duten eskailerak, behe solairuan ikus daitezkeen hormek izkutatzen dituzte.
-Eraikinaren edozein puntutatik, barnean dagoen guzti-guztia ikus daiteke.
-Farnsworth eraikinean bezela, habitata mantentzen duten zutabeak, kanpoan dauden zuhaitzen enborrekin nahastu daitezke, kanpoko espazioaren eta barneko espazioaren arteko erlazioa sortuz.

Irakasleentzat habitata - Habitataren kokapena

2. Ariketarako, nik aukeratutako habitataren kokapena, arkitekturako goi mailako unibertsitatearen aurrean eta majisteritza eta enpresarialeseko unibertsitateen artean aurkitzen da. Hau da, proiektuak II-ko hiru irakasleentzako proiektatuko dudan habitataren kokapena, 3 faroak dauden eremuan egingo dut, nire ustez, nahiz eta lekurik zailena izan, aukera hobeena da. Unibertsitatetik gertu dago eta, nire ustez, bista ederrak ditu. Gainera, hori gutxi balitz, eguzkiak  ia egun osoan argitzen du eremu hau.

La buena vida (5. kapitulua)

La buena vida ''warhol and the factory'' liburuaren 5. kapituluan, Loft-ei buruz hitz egiten digu Iñaki Abalosek. Momentu horretan, oraindik, ez zen honelako bizimodurik ezagutzen.

Loften ideia espazio komuna da, eta, hori lortzeko, pribazitateari uko egiten zaio. Loftetan ez dago pribazitaterik. Honela, oso espazio handia geratzen da, beste edozein motatako aktibitateetan erabili ahal daitekeena.

Honelako bizimodu berri eta bitxi hau Manhattanen hasi zen, eta, pixkanaka, garatzen joan zen.

Green Roof

Green roof joera arkitektonikoak eraikinen goialdean jarritako gune berdeak edo lorategiak dira. Joera honen helburua gizakiok naturari kendutako espazioa berreskuratzea da, eraikinen zabaltzetan espazio naturalak sortuz, hau da, erabili gabe dauden tokiak gune berdeetan bihurtuz. Honi esker inguru-giroa hobetu egiten da eta horrez gain, eraikinaren estrukturari onura asko ekartzen dizkio.

Bi Green roof mota aurki ditzazkegu: Intentsiboak eta extentsiboak.

Green roof intentsiboak, ohiko lorategi arrunt baten mantenua behar du, eta eraikinak, estrukturalki, ezaugarri jakin batzuk behar ditu. Extentsiboak berriz, ez dute mantenurik behar, eta edozein eraikinetan egin daitezke.

Green roofei esker, hirietako espazio gris eta pisutsuak, bizitu egin daitezke.

1. Habitata - Proiektuaren bukaera

-Habitataren atal finkoaren eta mugikorren artean tartea, atal mugikorra lekuz aldatzerakoan, bertatik ikusi ahal zen paisaia alda ez dadin.

-Atal finkoa, mugikorrak baina altuagoa, atal horri indar gehiago emateko.

-Bezeroen nahiak betez, aurreko paisaia ikusi ahal izateko beiraren erabilera ugaria.

-Beiraren erabilerak ere, argi naturalaren sarrerari laguntzen dio.

-Naiz eta beira ugari erabili, bezeroen pribazitatea guztiz errespetatzen da.

-Modulu bakoitzak 20m karratu, eta Habitataren atal finkoak 40m karratu neurtzen dituzte.

1. Habitata - Proiektuaren kokapena eta bezeroen beharrak

1. Habitata proiektuaren kokapena aukeratzerakoan, eremu hontan pentsatu nuen, bertan izanik, inguruko paisaia ezin politagoa baita. Kokapena: Ataun

Bezeroak 4 dira; Senarra, emaztea eta 2 semeak.

Hiru logela behar dira, 2 semeentzat eta bestea senar-emazteentzat. Hauen nahia, etxe barrutik kanpoko paisaia ikusi ahal izatea da, beraz, ahal den bezain beste erabiliko da kristala, bezeroen pribazitatea errespetatuz guztiaren gainetik.

Dikotomia

Oraingo honetan, dikotomia apurtzen duen maketa bat egitea eskatzen zitzaigun, Ona - Txarra, Luzea - Motza... guk aukeratu genezaken edozein dikotomiaren nolabaiteko oreka azaltzen duen maketa egitea ain zuzen.. Horretarako, eredu erraz bat aukeratu nuen, argi eta garbi uler litzatekeena: Handia - Txikia.

Nire proiektuak azaltzen duena hain zuzen, zera da, Dikotomia bera, ikus-puntuaren arabera ulertzen dela. Norbaitentzat handia dena, beste pertsona batentzat txikia izan litzatekeelako, baina, hala eta guztiz ere, aurki izan daiteke zerbait, guztiontzat berdina dena, eta hori izango litzateke, hain zuzen, oreka.

Ikuspuntuaren arabera, Handia zena Txikia bihurtu daiteke, eta, Txikia zena berriz, Handia. Dena dela, berdin dio nondik ikusten den, nola edo hala, ikus-puntu desberdinetatik beti berdina den zerbait aurki daiteke.

Zer da niretzat arkitektura?

Niretzat arkitektura zer den adieraziko zuen maketa bat egin ahal izateko, lehen bizi, genituen hitzetatik 11 aukeratu genitugun. Aukeratutako hitzak honako hauek dira: Artea, Jendea, Bizimodua, Inguru-giroa, Sentimenduak, Eskultura, Marrazketa, Musika, Originaltasuna, Edertasuna eta Sentsazioa.

Hitzak aukeratu ondoren, maketaren ideia orokor bat lortu nahi izan genuen. Nola edo hala, gure ustez, arkitektura jendearentzat eginiko artea da, eta jendeak berak ematen dio ''artetasun'' hori arkitekturari, beraz, honako eskema bat egin genuen:

Nolabait arkitekturarekiko dugun ideia eskematikoki plasmatu ahal izan genuenean eta maketa nola izango zenaren ideia argi izatean, maketa osatzeari ekin genion.

Guretzat arkitektura denaren ideiaren maketa tente mantentzen duten hormek ez dute egitura mantentzen bakarrik. Izan ere, bertan, arkitektura denaren espazioa mugatzen da.

Especies de Espacios

George Perec 1936ko Maiatzaren 7an jaio zen. George Perec, XX. mendeko literatura frantseseko idazlerik  garrantzitsuenetarikoa izan zen. Gaurkoan, bere Especies de Espacios liburuaz hitz egingo dugu, George Perec-ek 1974an idatzi zuena. 

Egia esan, hasieran pixka bat aspergarria egiten zitzaidan honakoa irakurtzea, baina, geroago, George Perec-ek idatzi honen bidez irakurleari transmititu nahi ziona ulertzen hasi nintzen.

Nolabait, arritu egin ninduen nolatan jokatzen zuen idazten ari zen orrian zuen espazioarekin. Orri guztia zuen idazteko, baina, hori zela eta, ez zuen zertan horizontalean idatzi. Goitik behera, diagonalean, hitzak sakabanatuta idatziz... hainbat eratan sortzen eta mugatzen zuen orrian zuen espazio osoa.